Фарғона шаҳридаги Азия меҳмонхонасининг конференция залида USAIDнинг Марказий осиёда сил касаллигини тугатиш лойиҳа доирасида анжуман ўтказилди.

“Сил касаллиги бор шахсларни ижтимоий ҳимоялашни кучайтириш” мавзусида ташкил этилган адвокацион ишчи мажлисида тиббиёт ходимлари билан бирга фуқаролик жамияти ташкилотларининг вакиллари ҳам иштирок этди.

Тадбирда Ўзбекистон республикаси ва вилоятларида сил касаллиги бўйича вазият, мавзунинг қонунчилик асослари ва тиббий жиҳатлари, шунингдек, ушбу хасталикни ташҳислаш ҳамда даволаш усуллари ҳақида тақдимотлар ўтказилди.

Сил касаллигига чалинган фуқароларга ижтимоий ёрдам кўрсатишда маҳаллий ҳокимликлар ва жамоат ташкилотлари олдида турган вазифалар ҳақида ҳам сўз юритилди.

Давра суҳбати тарзида ўтказилган анжуманда USAID нинг Марказий осиёдаги сил касаллигини тугатиш лойиҳаси ходими ва бошқа малакали мутахассислар маъруза қилишди.

Дўстларга улашинг: