2021 йил 17-18 феврал кунлари ЮСАИД Марказий Осиёда сил касаллигини тугатиш лойиҳаси доираси журналистлар учун «Оммавий ахборот воситаларида Сил касаллиги тўғрисида аҳолининг хабардорлигини ошириш» мавзусида икки кунлик онлайн семинар ўтказилди.

Журналистлар Ўзбекистонда сил касаллигига қарши кураш бўйича маълумотни Республика ихтисослаштирилган фтизиатрия ва пулмонология илмий-амалий тиббиёт маркази директори, профессор Наргиза Парпиева, Рeспублика ихтисослаштирилган фтизиатрия ва пулмонология илмий амалий тиббиёт маркази ва ЮСАИДнинг Марказий Осиёдаги сил касаллигини бартараф этиш лойиҳаси мутахассислари маърузалар қилдилар. Онлайн семинарда Сирдарё, Жиззах, Фарғона вилоятлари ҳамда Тошкент шаҳрининг оммавий ахборот воситалари вакиллари иштирок этишди.

Туберкулёз (Сил) дунёдаги энг кенг тарқалган юқумли касалликлардан биридир. Сил касаллигини олдини олиш ва даволаш мумкин бўлса-да, бутун дунё бўйлаб соғлиқни сақлаш тизимлари учун катта қийинчилик туғдирмоқда. Кенг жамоатчиликнинг мавжуд профилактика ва даволаш усуллари тўғрисида хабардорлиги йўқлиги сил касаллиги тарқалишининг асосий сабабларидан бири бўлиб қолмоқда. Оммавий ахборот воситалари сил касаллигининг тарқалишига қарши курашишда ва жамиятда сил касаллигига чалинган одамларга нисбатан бағрикенг муносабатни тарғиб қилишда, шунингдек, ижтимоий стигма, камситиш ва касаллик ҳақидаги сохта стереотипларни йўқ қилишда муҳим рол ўйнайди.

Семинарда журналистлар Ўзбекистондаги сил касаллигига қарши кураш бўйича долзарб маълумотлар ҳақида, ушбу мавзуни ёритиш билан боғлиқ бир қатор масалаларни муҳокама қилдилар.

Сил — юқумли касаллик ҳисобланиб, унинг тарқалишини асосий сабабларидан бири бу, аҳоли ўртасида касалликни юқиш йўллари, олдини олиш чоралари ва даволаш бўйича маълумотни етишмаслиги ҳамда у ҳақидаги афсоналар ва беморларга нисбатан нотўғри муносабатлар шаклланишидир.
Мақсад юртимизда сил касаллигини даволаш ва унинг профилактикаси ҳамда касалликнинг олдини олиш, аҳолининг сил касаллиги борасидаги хабардорлигини ошириш ва жамиятда бу хасталик билан касалланган беморларга нисбатан бағри кенглик билан муносабатда бўлишни шакллантириш ҳамда шу мавзуга кенг жамоатчилик эътиборини жалб этишдан иборатдир.


Ушбу веб-сайтдан барча бепул фойдаланишлари мумкин. Агар сизга саҳифа ёрдам берган бўлса, веб-сайт мунтазам ишлаб туриши учун миннатдорчилик ўрнида шу карта рақамига имкон борича маблағ юборишингиз мумкин: 8600 0609 6368 6648

Эътибор учун раҳмат